Ibrahimovici rrezikon pezullim të gjatë nga futbolli dhe gjobë 100 milionë euro

MILAN, ITALY - JULY 15: Zlatan Ibrahimovic of AC Milan reacts during the Serie A match between AC Milan and Parma Calcio at Stadio Giuseppe Meazza on July 15, 2020 in Milan, Italy. (Photo by Claudio Villa/Getty Images)

15:49 | 14 Prill 2021
A. B.

Zlatan Ibrahimovic rrezikohet të gjobitet e madje të pezullohet nga FIFA dhe UEFA, pasi është zbuluar se kompania e tij e përbashkët e biznesit ka 10% aksione në një agjenci bastesh.

Sipas rregullave të FIFA-s dhe UEFA-s, futbollistët e kanë të ndaluar të kenë interesa financiare në kompanitë e basteve.

Megjithatë, sipas mediave italiane, kompania e përbashkët e Ibrahimovicit, “Unknown AB” ka 10% aksione në agjencinë e basteve “Bethard.com”, gjë që mund t’i kushtojë Ibrës me gjobë dhe pezullim.

Rregullat e UEFA-s dhe FIFA-s vlejnë në çdo garë, nga kualifikimet për Kupën e Botës, ku Ibrahimovic luajti për Suedinë kundër Kosovës, e deri te Liga e Evropës, ku ai u paraqit për Milanin.
39-vjeçari mund të gjobitet me 100 milionë euro apo të pezullohet nga çdo aktivitet futbolli për tri vjet maksimum, sipas mediave italiane.

/Gazeta Express/